لە کۆتا گەشتی دەرەوەی وڵات لەگەڵ ٢ هاوڕێی خۆشەویست، دەمەوێت سەرنجی ئێوەی بەڕێز بۆ شتێکی یەکجار گرنگ ڕابکێشم، ئەویش تێچووی بلیتی تەیارەیە. سەرەتا با بە ئێوەی بەڕێز ڕابگەیەنم چەند جار بە تەیارە فڕین و لە کوێ:
-وێستگەی یەکەم: کەرکوک بۆ ئیستانبۆل (١٣٠٠ کم)
-وێستگەی دووەم: ئیستانبۆل بۆ زیوریخ (١٧٠٠ کم)
-وێستگەی سێیەم: میلان بۆ دوسلدۆرف (٨٢٠ کم)
-وێستگەی چوارەم: برۆکسل بۆ مەدرید (١٣١٠ کم)
-وێستگەی پێنجەم: مەدرید بۆ نیویۆڕک (٥٧٦٠ کم)
-وێستگەی شەشەم: واشنتۆن بۆ لاس ڤێگاس (٣٣٥٠ کم)
-وێستگەی حەوتەم: لاس ڤیگاس بۆ سان فڕانسیسکۆ (٦٧٠ کم)
-وێستگەی هەشتەم: سان فرانسیسیکۆ بۆ لەندەن (بە تەیارەی ئیرباسی ٣٨٠ و دووری ٨٦٢٠ کم)
-وێستگەی نۆیەم: لەندەن بۆ بەرلین (٩٣٠ کم)
-وێستگەی دەیەم: ئەمستەردام بۆ ئیستانبۆل (٢٢٠٠ کم)
-وێستگەی یازدەم: ئیستانبۆل بۆ هەولێر (١١٠٠ کم)
لە بەرواری ٣٠/ ٦ ەوە تا ٢٥/ ٧. بڕینی سەرجەم تکتەکان یەک دوو ڕۆژ پێش دەرچوون تەنها سەفەرمان بۆ ئەمریکا نەبێت کە مانگێک پێش سەفەرەکە تکتەکانمان بە کەمتر لە ٥٠٠ دۆلار بڕیبوو و لە باشترین هێلی ئاسمانی جیهانی. کۆی گشتی دووریە براوەکان بە کیلۆمەتر، ٢٨،٧٦٠ کم.
کۆی تێچووی گەشتی ٢٨،٧٦٠ کم ی ١١ وێستگە نزیکەی ١٣٠٠ دۆلار بوو. بە هەر نوسینگەیەکی گەشتیاری لە کوردستان و دەرەوەی کوردستانت بگۆتبا، بە یەک دەفتەر دەرنەدەچووی!! مەبەستی من لێرەدا تەنها ئەوەیە کەوا خۆتان شارەزا بکەن لە بڕینی تکتی تەیارە بۆخۆتان. هەزاران دۆلارتان بۆ دەگەڕێتەوە.